لقاء المدربة الدكتورة إنتصار كمال.

مهـرجان السودان للتقرير التلفـزيوني اللقاءات التفاكرية  والإستضافات الفنية- النسخة الخامسة

لقاء المدربة الدكتورة  إنتصار كمال.. ضمن حوارات   مهرجان السودان للتقرير التلفزيوني- النسخة الخامسة .

 الصادق ابوعيدة

 كل الترحيب بالدكتورة المدربة صاحبة المنجزات العلمية والعملية ... المبادرة  التي تملك رصيد إبداعي ثر وكبير .. والتي تمثل مثال حقيقي للعطاء والعصامية

حبابك يا دكتور ونورتينا داخل  مهرجان السودان للتقرير التلفزيوني  ضمن الأمسيات التحاورية في نسختها الخامسة ..

شرفت بك الارجاء والأنداء

إنتصار كمال

السلام عليكم و رحمة الله  ...شكرا كتير علي الترحيب الحار فال خير مناداتي بالدكتورة دعواتكم و نناقش الدكتوراه  قريبا

الصادق ابوعيدة

  نبدأ   الأمسية التحاورية ....  ونتمناها فضاء من التشبع المعرفي والفكري

💥  ضمن أمسيتنا التحاورية والتفاكرية نقف معك دكتورة إنتصار علي المحطات الاتية ومن ثم نفتح الفرصة لمداخلات الحضور وأعضاء القروب

🔘ماشاء الله  سيرتك الذاتية  حافلة بالانجازات والمكتسبات  نقف على هذه الهمة العالية  ومصدر الإلهام ومحفزاتك التي إنطلقتي منها كمدربة؟

🔘المهارات الادائية للمبدع التي يحتاجها لتجويد عمله؟

🔘كيف للفرد ان يطور ملكاته الذاتية وقدراته وينميها بوعي وإدراك؟

🔘إدارة الموارد والوقت  وتحديد الهدف ؟

🔘  ماذا عن فريق المدربين المتحدين؟

🔘 الكيفية المثلى لإدارة فرق العمل باحترافية؟

🔘 أهمية ان يكون تواصلنا فعال بينا كأهل إبداع وكيف نحدد الاولويات والمهام؟

🔘 بين الخيال والتفكير الخلاق والتفاعل المؤثر للفرد المبدع؟

🔘 الحديث ذو شجون في التفكير خارج المربع ماالقواعد في إكتساب ذلك؟

 🔘 المقابلات ومهارات التفاوض مع التوسع في هذا المجال لفائدة الجميع؟

 🔘اجتماعات العمل واسرارها والطريقة المهنية للعرض والطرح والتحاور ؟

 🔘كيفية ضبط الموجة المهارية  مع تدعيم ملكاتنا  القيادية ؟

🔘 العصف الذهني .. الخريطة الذهنية  والاستفادة من تقنية البرمجة اللغوية العصبية؟

 🔘 هل من وقفات مع تخطيط وتنفيذ الحملات الترويجية  وخطوات صناعة الدعاية والإعلان?

🔘كيف ننظم احتياجاتنا الخاصة ونرتب تفاصيلنا  التدريبية؟

🔘 مستقبل التدريب في السودان مع الوقوف على حرفيته وما يحتاجه المدرب والمتدرب مع الحديث عن الحقائب التدريبية وتصميمها؟

🔘وفق  ما قدمتي  دكتورة إنتصار كمال  من ورش ودورات ما ينقصنا كإعلاميين وما يحتاجه الاعلام ليكون مبادر وفعال؟

🔘ما بين إحتياجات الاسرة والعمل والتوافق المشترك وخلق التناسق لذلك .. ومنهجك في تحقيق الطريقة المثلى؟

🔘 من وحي مسيرتك العلمية والعملية هل من أفكار آتية ترتبين لها او مشروعات تخططين لها لم ترى النور؟

إنتصار كمال

🔘ماشاء الله  سيرتك الذاتية  حافلة بالانجازات والمكتسبات  نقف على هذه الهمة العالية  ومصدر الإلهام ومحفزاتك التي إنطلقتي منها كمدربة؟

السلام عليكم ورحمه الله يسعد مساكم بكل خير انا انتصار كمال دخلت تدريب في 2008 وجيت من حته قريبه .. انا خبرتي كلها في مجال  الإدارة آخر وظيفة  شتغلتها كانت مدير تنفيذي  في إحدي شركات الأدوية، مصدر الإلهام والمحفزات الانطلقت منها كمدربة ممكن تكون غريبة جدا   ..ما كنت  بلقى وقت اصلا   عشان أدرب عن نفسي بي موجب الوظيفة المرهق جدا الأنا كنت بشتغلا فاتعرضت لي موقف ممكن كان يكسرني للابد  انا كنت موظفة زي ما قلت مدير تنفيذي بعض  من سوء الإدارة ممكن نكون  اتعرضنا لمعظم    اثارو في السودان في الفترة الأخيرة اترفضت بي أسباب غربية جدا تخيلو انو سبب فصلي من العمل  ما معروف لكن وصلني خطاب بقول انو نحن استغنينا من خدماتك نسبة لتدني الأداء وتدهور المستوي وكدا يعني من نوع الكلمات دي انا في ساعة كنت خلصت كل شغلي رتبت طربيزتي سلمت عهدتي في ساعة واحدة انا كنت في خارج الشركة تاني يوم  انا كنت في دورة تدريبية أدخلها في حياتي  كانت عن البرمجة اللغة العصبية.. المشكلة الحقيقية اتخيل لي الما قدرت تسعي الوظيفة أنني كنت بحب أساعد الناس فكنت بساعد الأنا مسئولة منهم زملائي في الإدارات الاخري لدرجه انو كانو بقولو لي انو الناس ديل بيقسمو ليك مرتبم ولا شنو انتي بتقيفي معاهم فكان جواي حب المساعدة للآخر كبير جدا أكبر من الوظيفة الكنت بشتغلا.. مع أول دورة الهي بتعلمنا البرمجةة الغير  العصبية فن الاتصال مع ذاتك فن الاتصال مع الآخرين تحديد أهدافك وأحلامك وكدا  فا عرفت انو انا مكاني وسط الناس مافي وظيفة من 2008 ما شغلت وظيفة تانية ثابت حتي الآن متفرغه تماما للتدريب ياما انا متدربة أو مدربة قعدة في القاعات من 2008 .. مصدر الإلهام كان حبي الشديد جدا وشرفي أساعد الناس من حتة الضيقة الأنا قاعده فيها كنت بقدر اسمع صوتي لناس ولا كنت بقدر اسمع رأي ولا كنت بقدر أمد يدي إلا في محيط ضيق جدا بتاع الوظيفة بعدها طوالي دخلت في كم  دورة تانية  في تنمية الذات لكن لمن جات دورة تدريب المدربين كنت حريصة جدا اني أكون واحدة من المتدربين فيها يعني فا التحقت بالدورة دي وقبل ما نلتحق بالدورة الوقت داك شويه الأمور صعبة ومكلفة كانت سألونا  أسئلة انو ليه عايزين تدخلو دورة تدريب مدربين عشان نتاكد أنكم بتستثمروها تصنع منها يعمل يفيدكم  ويفيد الآخرين فكانت واحدة من إجابات انو انا مليانه بكمية من الطاقه الإجابية ما عارفه اوديها وين وانو مهتمه شديد بشأن الأسري انو كيف نساعد الأسر أنها يعني تربي أطفالها بطريقه جيدة الأزواج  علاقتم ممتازة يتواصلو مع بعض اختلاف الأجيال كنت مهمومه  بالقضايا دي قلت دا السبب البخلني اخش ال T.O.Tعسى ولعل بعد داك اقدر استمع صوتي للآخرين فا قدر اقول بعد المقدمه دي ملخص يعني انو انا بحب أساعد الناس ومجال التدريب كان مجال خصب جدا عشان تقدر تمد يدك لأي زول محتاج عن طريق إشارة عن طريق دورة عن ورشه و من 2008 انا الحمدالله سعيده جدا بوجودي وسط الناس وسعيدة اكتر بالناس القدرت أقدم ليهم المساعدة سوى كان   هذ في شأن الإداري أو في الشأن المهني

🔘المهارات الادائية للمبدع التي يحتاجها لتجويد عمله؟

السؤال التاني المهارات مهارات البتظهر  في الأداء للمبدع البحتاج عشان يجود عملو خلينا نقسم الحكاية اتنين يعني في مهارات SOFT SKILS في   HART SKILS  وهي  المعرفة يعني عشان انت تجود عملك لازم تكون بتعرف عنو كل حاجه العمل المحدد مش تعرف كل حاجه يعني المعرفه الثقافة حولو تشابكاتو مع معارف أخري تأثيرو تأثرو بالمعارف  أخري دي حاجة مهمة جدا جدا يعني اعرف كل حاجه عن مجالك ضف مايخص ال HART SKILS  يعني اما SOFTE SKILS كيف انا ادي أو أوصل المعرفه دي في  الاسكل جوهر المهارات الإنسانية المطلوبة هي التواصل الفعال  عشان تعرف توصل العندك للآخرين ب أسلوبو بي ناسا بكل دي  ما حكايه سهلة الناس ممكن تسمع فعاله ويعتقدو انو المسألة بسيطه جدا يعني ماهو نحن قادرين نتواصل مع الآخرين  من طول الوقت طول حياتنا يعني لكن إذا فعلا انت عايز تكون مأثر عايز تكون مبدع في مجالك لازم تمتلك الأدوات البتناسب المعرفه الانت عايز  توصلا  للآخرين بتناسب الحضور أو الجمهور الانت بتتكلم معاهم أو البتتعامل معاهم فكمان يعني المهارات فيها إبداع الإبداع العدو اللدود ليهو الخوف نحن بنخاف كتير لمن نكون داخلين علي حاجة جديدة  وبنتردد في البدايات حتي لو خططنا ليها  كويس ويكون الخطوة الأولي صعبة جدا ف إزالة الخوف دا فتح الباب للابداع كلو ما نخاف انو نقول حاجه غريبة الناس ما درجه ما نخاف انو نعمل حاجه قبل كدا مافي زول عملا نطرق مواضيع قبل كدا مافي زول يعني طرقا دا الإبداع بي عينو اطلب لنفسكم العنان لكن تأكدو أنكم انتو تملكو المهارات اللازمة  والمعرفة الكاملة البتأهلكم انو يعني تقدمو الموضوع دا في قالب الناس كلها تقدر تفهمو الناس كلها تقدر تفهموا دي حلها في التواصل الفعال  يمكن التواصل الفعال هو اس التنسيق في الإدارة نحن بنقول الإدارة عندها وظايف وظايف الإدارة أو المدير أو الادارات أنها تعمل 1و2و3 تخطط أنها تنظم توكيل الوظائف للأشخاص مهنين مؤهلين أنها تنسق أنها توجه انها تقيم وتصحح المسار أنها تضع موازنات محدده  انا قلت كلمه سحرية كدا في النص الهي التنسيق التنسيق دا عشان يتم تشبيك لكل المعارف والعلاقات والمهارات دي مع بعض لازم نكون بنعرف نتواصل مع بعض والا عملية التنسيق اتخيلو اي مؤسسة أو أي عمل يعني مجموعه في مابين مشتركه عندهم هم وهدف محدد عملو كل الخطوات بتاعت الإدارة لكن ما عارفين ينسقو مع بعض اكيد مافي أي عمل بيطلع بشكل جيد فالتنسيق واحدة من المهارات الأساسية جدا الهي قلبها التواصل الفعال ف الإبداع عايز جرأة  عايز أصالة في الأفكار يعني ما نقلد خالص فكرة الإبداع اصلا القيام بجديد أو العندك عشان نصل لنتيجة مختلفه من السابق فإذا نحن بنسير بنفس الطريقه المشو بيها الناس القدامنا ح نصل وين يعني اذا ابدعنا نصل محل ما هم وصلو اذا ابداعنا بالمفهوم التقليدي اذا خلاص يعني اجيدنا دورنا تماما نصل محل ما هم وصلو أما إذا عايزين نتائج مختلفة فنسلك طرق مختلفة

🔘كيف للفرد ان يطور ملكاته الذاتية وقدراته وينميها بوعي وإدراك؟

عجبني السؤال جدا المنتهى بي وعى وإدراك دا هنا المحك... في ناس بتدخل دورات كتيرة ويقرو كتب في كل الاتجاهات هم ما عارفين بالضبط عايزين شنو أو الناقصم شنو يعني زمان كنا بنقرا اي حاجه بتقع في يدنا الآن  انا شخصيا قرايتي موجهه يعني انو انا عايزة اعرف  شنو بالضبط عايزة أصل وين بالضبط يأتو معرفه ناقصاني يأتو مهارة ناقصاني  ودي ما بتجي إلا إذا الزول قعد مع نفسو قعده صراحة انا منو وعندي شنو وعايزة امشي وين والناقصني شنو  عشان تبدأ المسيرة الحقيقية بتاعت التطوير الذاتي أو التطوير الشخصي اذا انا مدربة وانا عايزة أصل وين من التدريب احلم أصل وين  وفي يأتو مجال يبقي دي ضالتي المجال دا مفروض أكون بعرف فيه كتير جدا امتلك الوسائل البتخليني اقدر أوصل المعرفه دي للآخرين عشان يستفيدو منها برضو اذا انا إعلامي أو إعلامية شنو المجال الأنا بناسبني وأقدر أبدع فيهو من خلال معرفتي السابقة وخبراتي القديمة ممكن أكون فيها متميزة مثلا انا ابقي يستذيد في الحته دي جميل  جدا قصة وعي و إدراك لانو الوعي والإدراك بسبقو كل حاجة فأذا ما وعينا بالوين أدركنا تماما مهاراتنا مقدراتنا الآن فا ما ح نقدر نطلق في أي اتجاه .. في منظومة بتاعت تحليل يستخدموها ناس التخطيط الإستراتيجي لتحديد اسمها أصوات انلسس دي يعني ما بس حصريا علي ناس التخطيط الاستراتيجي في الإدارة أو في الدولة ممكن الزول يعملا لنفسه أصوات انلسس منظومة التحليل دي   عندها اربعة  بوابات أو أربع أعمدة أساسية SWOT أربع حروف ممكن معظمنا يعرف كويس تتكلم عن      نقاط القوة عندي نقاط الضعف  و الفرص المتاحة لي أنا انمو واطور الهي المهددات أو المخاطر أو الصعوبات الأنا ممكن تواجهني في مسيرتي دا كلو كان مربوط ب أهدافك الهى مربوطه ب رؤيتك بنفسك في الحياة عايزين نصل وين عايزين نمشي وين عايزين بعد اربعه خمسة ستة سنه فالبداية هنا البخلينا نواجه نفسنا تماما انو نحن وين قويين انو وين عندنا مشاكل عايزة معالجة وين الفرص المتاحه عشان ممكن نستثمرا والمطور وشنو الممكن يمثل عقبة في طريقنا عشان نعرف كيف نزللا فا SWOT  منظومة جميلة جدا يعني تشتغل في كافة الاتجاهات الإستراتيجي بل علي مستوي نقص تماما انا اتمني كل زول من أعضاء المجموعة الآن لو جربا مع نفسو ح يكتشف حاجات جميلة جدا جدا SWOT برضو انا شايفه في الاسئله جاية انا ما دايرة أسبق الأسئلة لكن عايزة أفق واسعة يعني لمن تتكلم عن القوة أو الضعف أو الفرص انسي تماما الظروف المحيطة الآن بين انو نحن عايزين نبقي شنو انسو تماما الظروف ممكن تقيد حركتنا الآن ومسيرتنا الآن

🔘إدارة الموارد والوقت  وتحديد الهدف ؟

كويس انو السؤال عن المهارات ورد قبل تحديد الاهداف ..لأن تحديد الاهداف يبني علي الحاضر عشان مكونات الحاضر ..ماعشان مكونات الحاضر  تحد من احلامنا او تجعل اهدافنا بسيطة وصغيرة علي حسب الواقع الانية..الهدف مربوط بالرؤيا مربوط بحلمنا الكبير مربوط بغايتنا التي نريد الوصول اليها..من المفيد ان ارسم هذا الموضوع وارسله في شكل صورة لمزيد من التوضيح

هذا النموذج ابتكرة الرئيس الامريكي ايزنهاور. لمزيدا من التفاصيل يمكنكم البخث باسم موذج ايزنهاور

اذا كنا نتحدث عن شكل هرمي القاعدة المتعودين نبني بها الهرم لانبدأ بها هنا في هرم الرويا والرسالة والاهداف ..هذا الهرم مقلوب تماما في بناءه ..سنبدأ من القمة من الرؤيا..الي اين اريد الذهاب ماهي الغاية التي اصبو لها ماذا اريد ان افعل في اخر مطاف حياتي ..الرؤيا مرتبطة ارتباط وثيق جدا بالقيم والمعتقدات بالهوية هذه هي التي تكون الرؤيا..ثم بعد الرؤيا يأتي موضوع الرسالة وهي الادوات والوسائل التي تمكنا من تحقيق الرؤيا..بشكل عام ..مثلا رؤيتي ان اكون المذيعة الاولي في الشرق الاوسط .. ماذا افعل لأصبح كذلك  لابد ان اتحدث لغة اخري الانجليزية مثلا مع الفرنسية ..لابد ان اشاهد واري نماذج مذيعين ومذيعات لهم شأن في الوطن العربي او الشرق الاوسط كنموذج اقوم بدراسة واري كيف وصلوا لهذه المرتبة..لازم ابحث واقرأ ..واطلع واتعرف علي النماذج التي سبقتني في المجال المعين ..لابد ان اكون علي قدر عالي من الثقافة افهم في السياسة والاجتماع .....يصبح برنامج قراءة واطلاع لاكون ارضية معرفية استطيع ان احاور بها ضيوفي في الحلقات في اي البرامج اريد ان اتخصص سياسية ..ام اجتماعية ..ام رياضية ..ام اسرة ..ام دينية ..علي ان اجتهد في المجال الذي حددته لنفسي ..من اين اريد ان ابدأ ..من السودان ام الخليج وهذا يصبح هدفي وكيف اصل وغيرها الكثير من الوسائل التي يمكن ان تعينني علي ان اصبح المذيعة الاولي في الشرق الاوسط ..نأخذ اولا اللغة من المفترض ان اتحدث لغة او اكثر من لغة عربي فرنسي انجليزي ..طيب كيف موقفي في العربي وفي باقي اللغات كيف هل مفروض اقوي العربي ام الانجليزي ام الفرنسي ..ثم تصبح الوحدة الواحدة اللي هي اللغة تتحول لهدف متي اذهب لتقوية اللغة المعينة واين اقرأ هذه اللغة ..وكم من الزمن يستغرق هذا ومتي انتهي منه ..وبهذا اكون قد حققت جزء من الاهداف في حلمي الكبير ثم اتحول للموضوع الثاني الثقافة ماذا اريد ان اتخصص فيه من المجالات لأبحث فيه اكثر واكون ملمة به اكثر وامارس الي ان اكمل حلمي وهكذا..كل واحدة من هذه الاعمدة يتحول لهدف بعينه..الهدف لابد له من مواصفات محددة والا سيصبح مجرد حلم ..اذا لم استطع ان اقيس مستوي تقدمي في اللغة تصبح هذه مشكلة ..ولابد ان اعرف كيف اقيس تقدمي في الشي المعين عندما ابدأه..هل عن طريق الاختبارات هل هناك مستويات محددة مفروض اتدرج فيها مثل الحاصل الان في كورسات الانجليزية ثم هل هدفي معقول واستطيع تنفيذه واكونه ..واذا كان صعب علي الان هل ممكن تأجيله ؟ لا ابدا انا لا اختار اهدافي علي حسب امكانياتي الان الهدف صعب قاسي وجبل عالي استطيع تفتيته لحجار صغيرة لأهداف مرحلية ابدأ الكورس الاول وانشغلت ثم الثاني لكن لابد من وضع جدولة محددة للموضوع لأن اي هدف خارج نطاق الزمن يكون مجرد حلم وامنية يصعب تحقيقها لاني انا مجرد ان اعطيتها تواريخ وزمن اكون انزلتها علي ارض الواقع وسأبدأ بالعمل بها ...الاهداف اذا لم تكن مرتبطة تماما برؤيتي ورسالتي اكون قد استثمرت في اللاشئ اضيع زمني وجهدي ..عندما ابدأ في تقوية اللغة انشغل بشئ اخر يجذبني شي معين اخر مختلف كقراءة كتاب كنت ابحث عنه او اي موضوع اخرويكون هذا خصما علي حساب زمن اللغة الانجليزية وسيصبح لاهدف ..الالتزام شي اساسي جدا لتخقيق الاهداف .. لابد ان ارتبط بالهدف الذي يوصلني لرؤيتي ولابد انو يكون هذا المسار بالنسبة لي واضح ولماذا اريد ان افعل هذا..يعني لماذا اريد قراءة اللغة الانجليزية ..لماذا هذه في الثقافة السودانية تواجه مشاكل لأن اغلب الناس يعتبرون لماذا( لييي ) استفزاز او استنكار رغم انه سؤال استفساري ونوضح الغرض منه..ههههه فإذا قال لك طفل لماذا فأنت تعتبر ان هذه قلة ادب منه وبعض اولياء امرهم ممكن ان يقول له يلوي حنكك ياقليل ادب هههه افعل ما اقوله لك فقط جملة اعتراضية اقولها  لتوضيح ان لماذا هذه سؤال للمعرفة للاطفال وغيرهم ..لكن نسأل هذا السؤال لأنفسنا لتوضح الصورة الاخيرة التي نريد الوصول اليها لنتخيل الصورة البراقة التي وضعناها في الرؤيا وان نحن امتلكناها حقيقة لنسمع اصوات  الاستحسان اذا وصلنا لمانريد لنحس بالانجاز وفرحته عندما تصبح الرؤيا واضحة امامنا لماذا نريد القيام بالشي الفلاني يكون لدينا حافز ودافع قوي للقيام بها ...ولكن عندما نكون لانعرف لماذا نفعل الشي الفلاني يكون صعب جدا مواجهة العراقيل التي تقابلنا في طريق الوصول ..كيف نقوم بخطوة القراءة اون لاين ام في القاعات من اسطوانات ..وقراءة كتب ..عن طريق الانترنت ...يعني اين سننجز مانريده في مسألة تقوية اللغة ..من من الناس ممكن ان يساعدني ..النجاح يحتاج اصدقاء واليد الواحدة مابتصفق ..يحتاج شركاء . وحدك قد تحقق بعض النجاحات لكن ليس كلها فنحن نحتاج بعض نحتاج حتي للكلمة التي تسند وتشجع فهذا مهم جدا الجماعة الشركاء الممكن يفرحوا معاك ليك ويسندوك . وكيف افعل هذا افرغ ساعة في اليوم ام ساعتين اصحي ليلا ..الصبح باكرا ..لابد ان اقتطع من  زمن منطقة الراحة..النجاح مرهق ..متعب ..بحتاج لنفس شغوفة للوصول للنتائج الباهرة ..وليس مجرد اعجاب بالقصة واتمني اكون كذلك ..لا انا شغوف جدا ..احب جدددا افعل هذا واصل المكانة والمكان ذااك ..الشغف هو وقود  يساعد الناس للوصول لما تريده ..نكسر خوف البدايات بالشركاء .نبدأ بداية ممكن تشجعني وتسندني .. ممكن الناس تبدأ لكن يكون عندها خوف البدايات..نكسر حاجز الخوف بالشركاء والناس المشجعة والداعمة لي .. شنو ال ح يحصل لو انا بديت ولم اعرف ماذا يحصل بشكلوصحيح  من اول مرة ؟هذه تجربة انا تعلمتها ان الطريق الذي سلكته لايوصلني لما اريد ..فالخوف من البدايات هو واحدة من المشاكل التي تعجز الناس من الوصول للاهداف ..الهدف لابد يكون مكتوب امامي واراه يوميا وممكن ادخل عليه بعض التعديلات  قبل ابدأ اختبر مدي صحته واهميته لابد من كتابته..بعض الناس يقولون انهم يعرفون مايريدون ..في كثير من الورش اسأل هذا السؤال فيردون انهم يعرفون مايريدون فاقول لهم اذا عارفين لابد ان تكتبوه لي فيأخذون كثير من الوقت في الكتابة خمس وعشر دقائق ونص ساعة  ثم يقولون دعينا نشتغله في المنزل ثم نحضره غدا  ..فكلما وضحت الرؤيا كلما وضحت الفكرة كلما وضح الهدف في الذهن وكان ساهل جدا في كتابته والتعبير عنه ..وكتابة الاهداف تعطيك فرصة لاعادة الصياغة وترتيب الافكار والاولويات ..الحديث عن الاهداف كثير وكبير لأنه هو المنطلق الذي نبدأ منه ان يكون لدينا هدف محدد ..صياغة الهدف ليس بالشي الهين ..يحتاج مسئولية  والتزام وضوح وشفافية مع النفس قبل ان يكون مع الاخرين ..فلا نقول ان اهدافنا في راسنا ونحن نعرف مانريد..فلنعطي مساحة لأنفسنا وبالسوداني كدا ادفقوا في اي ورقة واعيدوا صياغة الجمل بالشكل الذي يرضيكم

الشق التاني من السؤال الكلام عن ادارة الموارد وادارة الوقت رغم ان الموارد واحد منها الوقت لكن انتم خصصتم  الوقت خارج الموارد ..هذا يعني اهمية الوقت لديكم ..الموارد الجهد  الزمن التفكيروالصحة العلم المتوفر  الاصدقاء والوقت واشياء كثيرة جدا ممكن تكون موارد فردية ..الموارد الشخصية ..بالنسبةللمؤسسات الموارد كثيرة المال المان بور او المورد البشري التجهيزات السيارات. كيف نستغل الموارد بالشكل الامثل مرتبط تماما بالاهداف اصلا نحن نحتاج للموارد في تحقيق الاهداف..كلما ماكانت الاهداف واضحة مكتوبة بشكل جيد تحولت لخطة والهدف يحتاج لخطة وخطة تشغيلية ح يعمل شنو ومتين وكيف وبكم في  ياتو كم من الزمن هذه هي الخطط التشغيلية اذا كانت فردية او علي مستوي المؤسسات ..فالوقت هو مورد ناظر جدا ..الناس تتحدث عن الموارد النادرة غير المتجددة مثل  الذهب والبترول   والمعادن النفيسة  انا اري ان الوقت نفيس اكثر من هذه الموارد كلها . لانه اذا توفرت كل هذه الموارد والوقت غير متاح لن تكون لديها اي قيمة ..ايضا الوقت مورد محدود جدا نادر هو عبارة عن عبور فقط من ولادتنا الي ان نموت هذا فقط الوقت المتاح لنا ان ننجز فيه كل الذي نفكر فيه وكل احلامنا واهدافنا ونصل فيه لغاياتنا ففي الخمسة عشر سنة الاولي من حياتنا نكون  لم نمتلك اي معرفة او خبرة لنوظف الوقت ولم توضح كذلك رؤاناواهدافنا بشكل جيد ..يعني اذا عشنا ٤٠ او٦٠ سنة  تخيلوا تلت العمر دا غير مكلفين ولم نع بعد بالغاية او الرؤيا ..واذا جلسنا لنري فيم نقضي الوقت اكل وشراب ومواصلات وعلاقات اجتماعية ونوم سنكتشف ان هناك وقت كبير جدا نقضيه في هذه المسائل الروتينية والعلاقات وفي السودان اكثر مايضيع الوقت العلاقات الاجتماعية مشكلة كبيرة جدا لكن حسب العلاقات السائدة قصة العلاقات لن نقربها حتي لو اخذت كل اعمارنا فهذه واحدة من الثقافات التي تضيع الوقت ومن المفترض نعيد فيها النظر ..فهناك من يسأل هل نرفض الناس والعلاقات والتواصل معهم ..ابدا ..كل القصة  نحتاج لترتيب اولويات ووضوح معهم

🔘  ماذا عن فريق المدربين المتحدين؟

فريق المدربين المتحدين يالله فكرة بدأت في العام 2009 ..حلم بيني وبين زميلي نذار الصادق ظاهر في الصورة اقصي الشمال متخصص في سلوكيات غير المنطوقة لغة الجسد وكل ما يرتبط بيها من مجالات وتشبيك للمعرفة الفكرة كانت نحن نساعد بعض عشان ننمو نطور ونحن داخلين يعني ياودب لينا كم شهر في مجال التدريب وانضم لينا الصادق وقيع الله الي هو بعد نذار طوالي الثالث من اليمين الصادق وقيع الله متخصص في مجال الإدارة..إدارة اللوجستيات وإدارة المخازن نحن انا ونذار خريجين في يوم واحد من التي اوو تي بعدين جانا الصادق نحن كنا مساعدين مدرب في التي اوو تي   هو جاء متدرب وتألفت الأرواح وتلاقت الأفكار وبقينا الثلاثة نواة لفريق المدربين المتحدين كنا بنحصر لبعض ونراقب ونصحح المسار وندعم بعض كتير جدا وبنصمم برامجنا بأفكار مشتركة ...الصادق مختص تصميم الحقائب التدريبية فاستاذنا هو في الحتة بدينا الثلاثة واستمرينا اكثر ثلاثة او اربعة سنوات.. بعدين انضم لينا حسنين اسماعيل محمد علي الي هو الاول من جهة اليمين وبعدين واضح المحيا معروف لديكم عضو في المجموعة وكان ضيف قبل كده..نحن الخمسة بنشكل اسرة مترابطة جدا علاقتنا امتدت حتي أسرنا الصغيرة والكبيرة ..انا عندي بنت عمرها سبعة سنة لما كانت مولودة وانا كنت يادوبك بدينا مشاوير التدريب اتربت علي كتف نذار ده ولكم انت تتخيلو بعداك العلاقات كان شكلها كيف...قبيل انا قلت أهمية شركاء النجاح  كانت بالضبط التجربة دي هي سندي في المقولة دي فهم حقيقة شركاء النجاح شركاء الابداع..اتدربنا مع بعض في قاعات جوه السودان اتدربنا مع بعض سافرنا خارج السودان ودربنا خارج السودان مع بعض..حسنين مسؤل التطوير والتحسين وضاح مدير الفريق الآن وانا زولة التسويق والمبيعات مع وضاح بنبدأ الصورة الزهنية لفريقنا انا ماعارفة اقول شنو واخلي شنو عن الفريق لكن هي فكرة تعضد المساندة والمشاركة والعمل الجماعي والحمد لله نحن مستمرين لينا تسعة سنوات تقريبا مع بعض من اول ما بدا يعني قدمنا برامج مشتركة يمكن افهما واهمها  التي اوو تي بتاعة الفريق الحمدلله يعني بالعمل الجماعي و المشترك والأفكار الكتيرة البتجي من خمسة ناس مجتهدة في شغلها قدرنا نرفع حتي عدد ساعات دورة التي اوو تي من خمسين كان اقصاها ثلاتين ده كان سائد لي ثمانين ساعة تدريبة والان بعض الزملاء كان بتحدث عن مية عن مية  وعشرين ساعة تدريبية ..أدخلنا علي برامجنا خبراتنا ومهاراتنا في لغة الجسد..وظفناها في مختلف الدورات ..نتكلم عن الابداع ونحن دخلنا فيه دورات داخل وخارج السودان....حسنين ادارة التغيير الابداع كلو...التحية لفريقي المتميز جدا انا فخورة جدا ان انا عضو من اعضاء الفريق ولسه..لسه ..لسه أحلامنا كبيرة ونتمني نعمل نموزج يعني تدريبي ونحن شغالين علي بناءه بديناهو من التي اوو تي لبرامج إعداد القادة أدخلنا كتير كتير من المحاور ومن الأنشطة والتمارين يمكن بدينا القصة دي اول مرة لما بدأ استاذ الصادق اتكلم عن تصميم الحقائب التدريبية في العام 2012 ماكان في زول بتكلم عن الموضوع ده خالص ويمكن اول مدرب في السودان يشتغل في الموضوع ده قمنا دخلنا برامج لغة الجسد في دورات التسويق في المبيعات بالتحديد بناء الصورة الزهنية للمؤسسات والأفراد شغل الدعاية والإعلان واعتمادة علي قوانين العقل الباطن كيف نؤثر علي المستهلك.. الكلام ده ماكان بجي يعني انا ما الزول البشتغل التسويق والمبيعات ناس كتير بقولو وضاح ونذار دخلهم شنو ببرامج التسويق والمبيعات دخلهم ان بشتغلو الجزئية دي بشتغلو لغة الجسد وأهمية المسألة دي  في التفاوض والبيع عملية التفاوض من الدرجة الاولى يعني في الاتصال الفعال قدرنا نعمل تشبيه جيد جدا للمهارات والمعارف في التخصصات المختلفة بتاعتنا نحن الخمسة فعشان كده البرامج عندها طعم مختلف يعني من البرامج البقدموها الأفراد عموما انا سعيدة جدا بيهم وفخورة جدا بفريقي انا رسلت الرابط بتاع الصفحة ممكن تشوفو حجم الشغل العملو الفريق والعمل المشترك بالتحديد وانا ده البهمني اكثر...حجم الشغل المشترك النحنا عملنا..تعضيدا وسند لمقولتي الشهيرة جدا النجاح دائما عايش بالشركاء فديل شركائي في النجاح وانا فخورة بيهم جدا وبحبهم جدا هما اخواني لو لاحظتو هم اربعة وانا براي لكن عمر الفرق ده ماكان حاضر بينا ابدا يعني ..التحية ليهم وكل تمنياتي بالتوفيق ليهم.

🔘 الكيفية المثلى لإدارة فرق العمل باحترافية؟

عن فروق العمل ..قبل ما نتكلم عن إدارة فروق العمل احترافية..نتكلم عن كيف نبني فريق العمل بأحترافية ..العادي والدارج في مؤسساتنا كلها وحتي في أعمالنا  الفردية يعني المجتمعية بنحب نشتغل مع الناس البنثق فيهم فقد يمكن ده يكون الشرط الوحيد ياخ ده زول كويس وأمين وممكن يشتغل وزول حارة لكن هل هذا الفرد متخصص في الحاجة النحن عايزنو يشتغلها بعرف ويجيدها يعني بعرف يعملها بشكل جيد وده ما سؤال فالمهم يمكن يكون أمين ويمكن يكون مؤمن بفكرتنا وخلاص نبدأ علي بركة الله ..دي مشكلة كبيرة لانه مفهوم فريق العمل ان خبرات ومعارف متكامله بتكمل بعض ..يعني البعرف اعملو انا عضو الفريق الثاني ما بعرف يعملو..يمكن يكون عندو فكرة عنو لكن مابجيد عملو بالتالي نحن كلنا مع بعض بنكمل صورة واحدة..فكرو كده في البظل في اللعبة بتاعة الأطفال ديك البتكون فيها الصورة مقطعة يعني قطع كده وبعدين نطلب منهم يرتبوها عشان تظهر الصورة الاخيرة في شكل  نبات ..زهرة.. وردة...حصان ..طفلة صغيرة ..الصورة دي مابتكتمل إلا لما تتخت كل قطعة مكانها..ده بالضبط فريق العمل لما كل زول يكون بالضبط بشغل وظيفة هو بجيد عملها...الصورة في الاخر بتطلع جيده...في مقولة في الإدارة بتقول لو انا ومديري بنقوم بنفس العمل ...بنجيد نفس المهمة..واحد فينا مافي داعي ليهو...واحد فينا قاعد زيادة...واحد بكفي ان يعمل الشغلة دي ...ففريق العمل تاني بقول مهارات ومعارف متكاملة مع بعض...متشابكة مع بعض عشان تظهر الصورة الكبيرة يعني للفكرة النحن شغالين عليها...بالضبط كده زي ما نحن عاملين في فريق المتحدين المدربين...كل زول فينا عندو تخصصو...وعندو مجال خبرتو لكن نحن قادرين نوظف كل التخصصات والخبرات دي مع بعض عشان ننتج منها صورة محددة نحن راسمنها الي هي تعبر عن هدفنا...رؤيتنا لعملنا المشترك...إدارة تكوين العمل عايزة معرفة بمراحل تكوين الفريق...في البدء قبيلها الاختيار المناسب للاشخاص البقومو بالعمل وبعدين مراحل نمؤ الفريق...الفريق أول مايتكون مابكون متجانس كده ومتفاهم والأمور كلها واضحة وكل زول مسك عملو ودور يعني لا ما كده...اول مانجي كل زول عندو وجه محدد لإدارة العمل...وعايزة التصور ده يبقي...والزول الما بتفق معاهو في الشغل ده مازولي فالبتالي تبدأ التكتلات..كل اثنين ثلاثة مع بعض بعد شوية كل مجموعة تنظر للثانية علي اساس ان ديل عاملين لوبي براهم ونحن مامعاهم نحن فكرتنا كده في الاول يعني بكون في عمل مضني جدا لتوضيح الهدف من الفريق ودي مسئولية القائد..انا بتكلم كلام نظري اذا جينا قسناهو بالمؤسسات..تجربتنا في فريق المدربين المتحدين القيادة او رئاسة الفريق تكون دورية يعني كل عضو في الفريق بتجي عليهو دورة الرئاسة دي هدفنا واضح عايزين نعمل شنو نقدم شنو في مجال التدريب واضح بعد ده كل قائد لما يجي يقود المجموعة عشان تحصل اهدافها دي ...يمكن الروتيشن بتاع القيادة ده كان مهم ومفيد جدا عشان نطور نحن زاتنا من مهاراتنا بتاعة القيادة..ارجع تاني لادارة الفريق المرحلة الأولي بتكون مرحلة صعبة جدا يعني الناس عايزة تعرف بعض..الفكرة عايزة توضح ...الهدف لازم بكون واضح وزي ما قلت دي مسئولية القائد...المرحلة الثانية مرحلة الصراع...كل زول عايز ينفذ الشغل بالطريقة الشايفه هو صاح وتاني تتوسع التكتلات اكثر ودي مرحلة صعبة جدا جدا من عمر الفريق فالناس في المرحلة دي بتبدا المشاحنات يعني وتبدأ المشكلات بينا...المرحلة دي عايزة صبر ووعي وادراك بالمهمة النحنا اجتمعنا عشانه..والمرحلة البعديها بنبدأ نتألف..التألف ده دي خلاص البسطة بتاعة الإنجاز

بعد مرحلة التألف دي وفهم الهدف بشكل جيد والتعرف علي الآخرين والتواصل معهم بشكل جيد برعاية القائد بنبدأ مرحلة الإنجاز والأداء دي بكون في انسجام لكل الأعضاء الفريق لإزالة التشاحنات والتكتلات والمجموعة الواحدة كان خمسة بقو فيها عشرة وبدت تتضائل التكتلات التانية لأن الرؤية اتضحت المعرفة تمت التواصل تم بشكل جيد الهدف بقي واضح ...التنسيق بقي عالي...بعد ده بتجي مرحلة الأداء...مرحلة الانجاز و بعديها مرحلة الاحتفال بالنتائج...مرحلة الانجاز بالاداء اقصد الاحتفال بالانجاز بالأداء دي المرحلة الأخيرة للفريق البتم فيها تقييم العمل وان نحن وصلنا وين ووصلنا كيف وطاقاتنا كانت وين ممكن نصححه كيف في المهمة المسيرة حتكون شكلها كيف وتبدأ تتضح وكلنا اننا سهام مصوبة نحو الهدف بعد مرحلة الأداء خلاص تم اندماج كامل للفريق ...الحتة الانا بحب اقيف عندها كتير في مسألة إدارة فروق العمل ان نحتمل المرحلة بتاعت الصراع دي بوعي تام ارجع للجملة العجبتني قبيل بوعي وادراك تام بمراحل تطور عمر الفريق عندو عمر وبطور في مراحل اربعة زي ما زكرتها نقدر نتجاوز المرحلة الصعبة دي اذا نحن كنا واعيين ومدركيين بانها هي واقع وبتحصل لان الناس جاية من بئات مختلفة جاية جهات مختلفة وتجارب مختلفة وتصور للانجاز ان يتم كيف فا عايزة زمن ان الناس تبدأ تضبط موجتها كويس جدا في السودان نحن بنتكلم كتير عن ان نحن بنحب الجماعة بنعمل في الجماعة عندنا ثقافة النفير وايد علي ايد تجدع بعيد وكده بتلقونا في الحارة وفي الفرح بس مع بعض لكن العمل وإنجاز الأهداف بتسود روح المنافسة والحاجة دي سببها يعني تربيتنا وتعليمنا ومناهجه...النتائج البتجيبها الاول والطيش وكل زول عايز يجي الاول وبالتالي ما فاضي وعندو استعداد يساعد اخو عشان يجي الاول طبعا وعايز يتميز فكيف يمد يدو ويساعد زول تاني معاه في نفس الخط يعني دي مشكلة نحن لازم نوعاها تماما ونحن اتعملت فينا فما نعملها اولادنا يعني الاول ...الاول...الاول ده هو المميز والباقين لا شئ معناها انا لازم اكون رأس السهم وجاري قدام وما التفت بي وراي واشوف باقي الفريق بسوي في شنو ...في قصة ظريفة جدا سمعتها عن قبيلة افريقية مامستحضره اسمها بقولو دخلوهم مسابقة اطفال صغار القبائل الافريقية الفقيرة حتي ...بعدين كانت الجائزة سلة بتاعة فواكة فقالو ليهم البيصل الشجرة ديك سباق حيشيل السلة بتاعة الفواكه فوجئ الزول النظم المسابقة دي بأن الاولاد ديل كلهم مسكو يدين بعض ومشو في خط مستقيم بنفس الوتيرة يعني ونفس الرزم لحدي ما وصلو الشجرة واتقاسمو كلهم ثلة الفواكة...اتضح ان دي ثقافة في القبيلة ان لو في خير نتقاسمو كلنا مع بعض....نحن في السودان نفتقد للروح دي كلنا عايزين نجي الاول ...كلنا عايزين نجي نمرة واحد والبقية مامهم حتي مرات مامهم نجي نمرة واحد كيف وعلي حساب منو وعلي حساب شنو بالضبط وتلقانا حتي في الأسر انت مالك ماجيت الاول ده ود فلان ده عندو يدين ولي عندو مخين وانت عندك مخ وهكذا يربو جوانا الاحساس بتاع المنافسة الشرسة علي حساب العمل الجماعي والتعاضد والمشاركة دي نقطة مهمة جدا يعني حبيت اوضحها.

🔘 أهمية ان يكون تواصلنا فعال بينا كأهل إبداع وكيف نحدد الأولويات والمهام؟

السؤال عن اهمية ان يكون تواصلنا فعال بينا كأهل ابداع وكيف نحدد الاولويات والمهام اذا استبعدنا قصة المنافسة الشرسة وكل زول عاوز يكون هو المتميز واجتمعنا كلٍ في مجاله ؛ مثلاً ناس الرياضة مع بعض وناس الفن مع بعض ،الناس المتخصصة في الشغل الاعلامي عن المجتمع ودراسات المجتمع وبحوثه ،لو اجتمعت كل فئه عندها اهتمامات مشتركة مع بعض ح يقدرو يعملو حاجة مفيدة ،تبادل الافكار والخبرات والمعلومات يثري الحصيلة الفردية لاي شخص ،اذا نحنا متواجدين مع بعض وفي زول خبرة 30 او 15 او 20 سنه اذا اتبادلنا الخبرات والمعارف والتجارب الاحنا خضناها خلال سنوات الخبرة كل واحد فينا ح يطلع ب65 سنه معرفة وخبرة ،وفرنا لبعض كم من الجهد؟كم من الزمن؟ ده التواصل الفعّال وممكن يضيف لينا في مجالاتنا المختلفة كل زول حسب المهمة التي يقوم بها تحديد الاولويات والمهام اتكلمنا عنو سابقا  في ادارة الوقت فكل مجموعة وكل فريق عمل يحدد اهدافو ويوزع المهام وننطلق لكن في الاول كل زول يخت العندو على الطربيزه عشان نبني على افكار بعض ، نبني على تجارب بعض ،نبني على المعارف العندنا احنا ما ح نتلاقى ونبدع ونبقى قوة ضاربة لو ما عملنا الشراكة المثمرة الذكية دي بين كل اهل الابداع واهل الاعلام في السودان

🔘 بين الخيال والتفكير الخلاق والتفاعل المؤثر للفرد المبدع؟

طبعا العلاقة قوية جدا بين الخيال والابداع وبين الخيال والاختراع وبين الخيال واي حاجة جديدة قبل ما ندخل حيز التنفيذ لاي فكرة ولا اي مهمة ولا اي عمل يسبقه خيال بنتخيل انو القصة ح نعملها كيف؟ ونضع الخطة ونتخيل النتيجة شكلها كيف؟ وبعدين نرسم الخُطى لنصل لهذه النتيجة بأي طريقة ؟ الخيال زي ما بقولو ناس التنمية البشرية من أُسس النجاح يعني بدون خيال لا يوجد ابداع بدون تفكير لا يوجد إبداع ،التفكير الخلاق يأتي بأنك تفك قيودك يعني ما تركن لمعرفتك المخزونة عندك في الزاكرة يعني كل المعرفة العندنا ناتجة عن تجارب نحنا مرينا بيها او تجارب لاخرين نحنا عايشناها ودي مخزونة عندنا في عقلنا اللاواعي موجودة في الذاكرة كل ما يحدث حدث او عاوزين نأخذ راي او عاوزين عمل ااي خطوة بنرجع نشوف المخزون العندنا بيدعم الخطوة دي؟ بيفسرها كيف؟بيدينا مخارج ليها كيف؟ اذا وجدناه نختاره طوالي وبنمشي عليهو واذا ما وجدناه ح نحتار بعد ذلك وغالبا بنقول ده ما بنعرفو او بنقول ما دايرنو لانو نحنا ما بنعرفو وما عندنا فكرة قبل كدا عنو ،كيف الفرد المبدع يؤثر على الاخرين؟ الدعوه لفكرة جديدة وفكرة غريبة غير مطروقة قبل ذلك او في خبرات الناس البتعامل معاهم ما معرفة ما مرينا بيها قبل كدا بتلاقي مقاومة شديدة جدا ؛عشان نبقى مؤثرين لازم نعرف المخزون المعرفي عند الناس دي حدو وين؟ يعني القيم والمعتقدات اللي هم بعتقدوها حجمها شنو وقاعدة وين وابعادة شنو عشان تعرف تبدأ من وين

🔘 الحديث ذو شجون في التفكير خارج المربع ماالقواعد في إكتساب ذلك؟

 التفكير خارج الصندوق أو التفكير الإبداعي ببساطة شديدة عشان ما أخوض مقعدة تمارين يعني مافي شخص بولدوه كدا بس الباقين تاني مالهم في الإبداع في الناس الذكاء العاطفي  عندهم عالي في حضور راقي ويسطيعو انهم يشبكو الأمور مع بعض موهبة لكن هل التفكير الإبداعي يمكن تعلمو نعم التفكير الإبداعي يمكن تعلمو في دورات متخصصه للتفكير الإبداعي في تمارين متخصصة تزيد من نشاط التفكير الإبداعي أستاذ وضاح ياريت يقوم يدخل لينا في الحته ويكلمنا عن الدماغ وعن مكوناتو وعن الشق الأيمن والأيسر قبل كدا اكيد بكون اتكلم عن موضوع دا ف كيف تنشط الجزء المسئول عن التفكير الإبداعي كيف توجد روابط مشتركه بين الأفكار روابط بين الفكره والألوان وألحان والموسيقى وغيرو نحن في السودان تربيتنا صعبه شويه معنها انت ما سوداني انت زول بتاع لولوه ناس الرياضيات أثبتو انو 1+1= أكتر من 2 نحن لسي ماسكين في المقولة دي يعني بنقبل الرأي النحن قمنا وربونا عليه التجربة لخضوناه والمثل بنامن بيها بنرفض اي جديد بنفرض اي حاجة قبل كدا والرفض دا هو باب الإبداع تماما في سؤال عن العصر الذهني خلوني اجاوب عليها هنا العصر الذهني واحده من الأدوات التفكير الإبداعي التفكير الناقض واحد من فروع التفكير الإبداعي التفكير التحليلي التفكيك نفكك الأحداث ونركبا ونعرف مسبباته واحد من أدوات التفكير الابداعي في التفكير الإبداعي يمكن تعلم خلوني اقول كدا بس لانو دا داير فردية بعد كدا الزول العايز يتعلم التفكير الإبداعي يسعي في الاتجاه دا في السودان عندنا دكتورة جميلة ا دكتورة رضاب عبدالفتاح يمكن الوحيدة في السودان البتكلم عن التفكير الإبداعي وادواتو وعندها دورات متخصصة ي المسألة دي أنصحكم بيها هي مسئولة من مدارس الموهبة ورعاية الموهوبين ف لكم بيها

 العصف الذهني عنده قواعد واصول يعني  العادي نحن بنكون قاعدين مع بعض دا الدارج يعني في مجتمعاتنا ومؤسساتنا   وكل زول بقول فكرة   والتاني لو الفكرة ما عجبتو بقوم طوالي بنتقدها وتجهض الفكرة في مهدها.. العصف الذهني قواعده واصوله كالأتي انو في الاول بتم رصد للأفكار بدون نقد .. كل المجموعة  القاعدة مع بعض  التي تبحث عن حل مختلف  لقضية محددة او لتنفيذ خطة محددة  بشكل مختلف قاصدين نتائج غير  كل زول بقول فكرته ..

الخطوة الاولى بتم رصد فقط للأفكار .. بدون توجيه نقد لإي فكرة ..

الخطوة الثانية  يجي الوقت بتاع الإستفسارات لو في زول قال فكرة بدأت لينا في الاول غريبة  بالبلدي كدا مشاترة ونحن ما بلعناها قبيل واحترمنا  جلسة  العصف الذهني  دا الوقت  البنجي نسأل فيه  انت كنت قاصد شنو ممكن نشرح الفكرة زيادة ممكن  توىينا وجه نظرك بندي  فرصة للزول  القال الفكرة الغامضة ويشرحها شرح كافي ..

دي خطوة مهمة جدا جدا في مرحلة العصف الذهني .. تقديم استفسارات .. امكن الزول في الخطوة الاولي  الفكرة  نطت في راس من غير ما يصيغا صياغة جيدة فبنديهو فرصة يصيغا  صياغة جيدة

الخطوة الثالثة الاستبعاد نعمل فرز الفكرة دي ما بتطابق مع الموضوع البنتكلم فيهو  الفكرة دي جيدة جا  لكن حسب المعطيات  زمنا طويل تكاليفا كتيرة او ميزانيتنا محدودة  فكرة جيدة لكن غير صالحة للتنفيذ الان فبنستبعد الافكار غير ذات الصلة بالموضوع.

الخطوة الرابعة  يحصل دمج  نشوف الافكار المتشابه او الافكار التي اذا جمعناها مع بعض بتعطي  نتائج افضل .

الخطوة الخامسة نسميها تلميع يعني شنو تلميع الافكار يعني تحسين الافكار سواء كانت الفكرة الواحدة او الافكار التي دمجناها قبيل مع بعض هل كدا كفاية ولا يمكن ادخال بعض التحسينات   لنتائج افضل بعد داك نختار الأفكار والاختيار بكون للأفضل وللامثل .. أمثل و أفضل معناها في اساس نحن احتكمن له  المفروض يكون عندنا  ماصفات او معايير  من الاول للفكرة  نحن عايزين الفكرة كيف ومنا كيف مخاطرا كيف العايد منها كم  تكون مقبولة في  المجتمع  طيب حنوزن الافكار كيف  عشان نقول الفكرة دي احسن من دي ؟ دي اسمها الاوزان الترجيحية للافكار ؟طيب كيف نعملا ؟ اذا نحن أعتمدنا المعيار بتاع الافكار التكلفة ..الزمن ..الجهد ..المخاطر ..العائد ..القبول وسط الجمهور النحن مستهدفنو مثلا الدرجة الكاملة 10نجينشيل كل فكرة ونشوف  تكلفتا مقارنتا شنو بالميزانية العندنا اذا كانت قدرا او أقل نديها الرجة الكاملة 10 اذا كانت تفوق التكلفة نديها درجة أقل حسب الفرق حسب الانحراف من الميزانية الموجودة  اذا كانت ميزانيتنا 100 جنية  و التكلفة للفكرة  150 جنيه حنديها كم؟ 4  أقل او 5  وهكذا لكل الافكار لكل المعايير الختيناها قبيل بعدين نجمع الفكرة حصلت على كم درجة   وبعدما نجمع كل الدرجات نجي نشوف الحصلت اعلى درجة دي بتكون  الفكرة المناسبة لظروفنا وإمكاناتنا  هدفنا المفروض نعملا الان دي  الفكرة الامثل ودا الحل الامثل

    الشخص المؤثر هو من يملك فكرة مؤمن بها وشغوف بها وحيستميت لان تبقى محققة على ارض الواقع ، وايمانه القوي بفكرته يجعله يبحث عن طرق مختلفة حتى يبشر بالفكرة ويجمع  حولها مريدين وهذا يكون عن طريق امتلاك مهارات التواصل الفعال ومن هم الذين استهدفهم وما هي مقياساتهم ، واتكلم معاهم بياتو طريقة  وأضبط موجتة  و نضبط الموجة بتاعة الراديو  مثلا على  اف ام 100  لكن كدا حنسمعا لكن لو شلنا المؤشر وختيناه في اي رقم حتجينا اذاعة تانية .. من اجل ان تبشر بفكرتك دون ان تفتعل المعارك وذلك لامتلاكه وسائل الاقناع والتأثير ، وهناك وسائل مختلفة للتاثير والاقناع والناس ذهبت لابعد من ذلك حيث أسمتها وسائل الاخضاع او أسلحة الاخضاع ( الاقناع ) والتي تجعل الفرد لا يجيب الا بنعم ويبصم بالعشرة انه اقتنع بالفكرة وهذه مهارة مهمة جدا للاعلاميين وخاصة ذوي  الفكر المحدد او مبادئ يريدون توصيلها ، وبالنسبة لصانعي الافلام بأي لقطة وأي زاوية واي كلمة  ضؤ يمكن يمكن ان توصل الفكرة لان المرسل يدرك تماما ما يريده المستقبلين .وتعتبر اسلحة الاخضاع مهارة أساسية جدا لمجال الاعلام او اي شخص يريد ان يرسل فكرة او رسالة معينة الموضوع بحر كبير اسلحة   الإخضار او التاثيير والإقناع دي مهارة انا افتكر اساسية للناس اللبتشتغل  في مجال الاعلام  او  لأي زول  عندو فكر داير  يبشر بيهو عايز ينشروا عايز الناس يدعموه فيه وتوسع الدائرة  ما بتوسع الدائرة بتاعت المريدين دي الا بامتلاك  أسلحة الإقناع والتأثير

  جلسات العصف الذهني تنتهي عند الوصول للافكار الجيدة بعد ترتيبها ..لكن الموضوع لا ينتهي هنا لان العصف الذهني حلقة واحدة ضمن حلقات كثيرة لتنفيذ هدف محدد  كدا وصلنا للفكرة الحننفذا وبعدها تأتي الخطة بتاعت التنفيذ الخطة  التشغيلية والفكرة من المسؤل عنها وتوزيع العمل وهناك مسؤلية مراقبة وتصحيح وهي مفاهيم جودة شاملة ، ويقول قسم الادارة ان اصعب مسألة هي موضوع التخطيط لان فيها العصف الذهني والخطط التشغيلات ووضع الاهداف والمتابعة  ودي مرحلة مرهقة وديرة أدوات كتيرة  بتتوضع وهي التي تجعلنا نعرف كيف نصل للهدف ومتى يتم القياس ومتى نصحح الانحراف وذالك افضل من الرجوع للوراء  خطوات مدروسة وتتبع بالتراتبية دي  طيب بعد ما قيمنا وصححنا المسار الموضوع لحدي هنا انتهى ؟ لا ابدا ما إنتهى ؟  نحن المفروض  نصل لصيغة تحدد إستدامة الوضع الجيد الذي توصلنا اليه ،  النقطة الاخيرة تدوير المعرفة أو ادراة المعرفة  طيب نحن قمنا بالفعل دا كلو ونجحنا الحمد لله   وتغلبنا على الصعوبات وصححنا المسارات  طيب ما بنخلف اي أثر للناس البتجي بعدينا  عشان يعرفوا المسار دا تم كيف ؟ومقصود به عدم وجود اثر للاشخاص لمعرفة كيف تمت هذه الفكرة وهي واحدة من الادوات التي تحل بها مشاكل كثيرة جدا وادواتها هي التوثيق  لازم يكون في توثيق دا اساس ادارة المعرفة الناس يعملو ورشة يعملو لمة   قعدة سواء كانوا اصحاب او مجموعة عمل مشترك  يقعدوا ويبشروا للجايين عشان كدا لم يجوا ناس جدد في مجال بدربوا على يد مخدرمين  سبقوهم في المجال للأسف الشديد الخبرة بكون تناقلها شفاهي  ما بكون عندنا حاجة مكتوبة بالتالي المعرفة بتموت في الصدور اذا الناس ديل  مشوا لاي سبب من المحيط النحن قاعدين فيهو فالتوثيق أداة مهمة جدا  في  تدوير المعرفة 

🔘 هل من وقفات مع تخطيط وتنفيذ الحملات الترويجية  وخطوات صناعة الدعاية والإعلان?

تخطيط وتنفيذ الحملات الترويجية وخطوات صناعة الدعاية والاعلان اقتطعناها انا وزميلي وضاح المحيا من البرنامج الكبير المتكامل في التسويق والمبيعات وخدمة العملاء لأننا اسشعرنا اهميتها من خلال الخلط الواضح جدا في السوق السوداني بين التسويق والترويج والدعاية والاعلان والبيع ..نبدأ بمفهوم الترويج هواحدي ادوات التسويق ..داخله توجد الدعاية والاعلان وكل واحدة منهما تختلف عن الاخري ..وداخله ايضا ست ادوات اخري منها التسويق الاجتماعي ..الاحداث ..المنشورات ..المطبقات الورقية التي تقول من نحن وماذا نفعل ..والخصومات والاسعار الهدايافكل هذه ممن ادوات الترويج .استشعرنا هذه المسألة فقمنا بفصلها في دورة قائمة بذاتها اسميناها تخطيط وتنفيذ الحملات الترويجية ..خطوات صناعة الدعاية والاعلان قطع فيها  زميلي وضاح المحيا اشواط كبيرة عن كيف نؤثر علي المستهلك بالفكرة او المنتج او الخدمة ومتي نعمل دعاية ومتي نعمل اعلان وماهي الفروقات بينهم ..كانت تجربة جميلة واستطعنا  بفضل الله توضيح كثير  عن الترويج وادواته واستراتيجياته الست واررتباطه بالخطط التسويقية للمؤسسات ..عندما اقول تسويق لا اقصد ابدا منتج بعينه ..يعني الخدمات والمنتجات تسوق مثل مانعرف ..لكن حتي الافكار تسوق ايضا وتحتاج اننا نستخدم الادوات الترويجية لنوصلها ونستقطب الفيئة المستهدفة ونلفت انتباهها اننا نحن  نقول مايهمكم  ونقول شيئا ذي فائدة لكم ..فالناس لاتلتفت الا اذا كانت لديها فائدة مباشرة وهذا الذي نقدمه لديه ارتباط وثيق بنا كافراد او مجتمع او مجتمعات  او مؤسسات ..في الحقل الاعلامي هذه المسألة مهمة جدا جدا جدا ..فالدعاية او الاعلان او الترويج لبرنامج معين او فقرة محددة في اذاعة او تلفزيون تحتاج للعمل كثيير جدا ..فهي ليست برومو لدقيقة او دقيقتين نجيب فيها مقتطفات من البرنامج ونقول دا ترويج الحلقة ..هذا ليس ترويج للحلقة بل هو اعلان لأنو الحلقة هذه ملامحها .. ولا حتي دعاية لها ..ادوات الترويج مختلفة تعتمد علي العبارات المستخدمة علي الصورة علي الكلمات المكتوبة علي الالوان التي نسخدمها في عمليات الترويج عموما ..وهذا بحر طويل جدا ..واعتقد ان المجال الاعلامي نحتاج فيه لهذه المهارة وكيف نعمل ونخطط لحملة ترويجية لفكرة لبرنامج ..لحلقة حتي محددة ..لبرامج مسئولية مجتمعية او حتي لواحد من اهداف الدولة واستراتيجيتها..القصة محتاجة لترتيب ووقفة ماذا يعني ان تعمل دراسة عن الموضوع وكيف تقدمه وهل الفئة المستهدفة في حوجة لبرنامجك هذا ام لا ..نحنا كيف نختار البرامج  ..هل استشعرنا حوجة المجتمع لها وحوجة المشاهدين والمستمعين لها ..ام اننا فقط رأينا ان فكرة البرنامج جديدة ولم يسبقنا لها احد فنفذناها او برنامج خفيف لطيف منوعات والدنيا عيد ..ماذا نريد ان نقول من خلاله ..وكيف نجذب الناس لمشاهدته واستماعه ..هذا ملخص لدورة تخطيط وتنفيذ الحملات الترويجية وصناعة الدعاية والاعلان ..طبعا انتم متخصصون في هذه القصة واصحاب الجلد والراس فالموضوع مهم جدا بالنسبة لكم ..وحبابكم الف لأي استفسار في هذا المجال او مقابلة في ارض الواقع ..مرررحبا بكم

🔘كيف ننظم احتياجاتنا الخاصة ونرتب تفاصيلنا  التدريبية؟

1. الاهداف ... ماذا نريد ان نعمل ... قوي مهاراتك و معرفتك في هذا الاتجاه بالتعلم و التعليم.

2. التحليل لوضعك الآن فيما يخص مهاراتك المطلوبة لتحقيق اهدافك سوا كانت مهنية او شخصية ... قم بتحليل swot لمهاراتك الحالية.

و ده كلو مربوط برؤيتك و رسالتك. دخول اي دورة تدريبية بمفهوم كان ما نفعت ما بتضر مضيعة للزمن و الجهد و المال.

  نموذج جيد للحصول على المعلومات عن اي شيء. ابحثوا بنفس الاسم *5W's H*

🔘 المقابلات ومهارات التفاوض مع التوسع في هذا المجال لفائدة الجميع؟

عن المقابلات و مهارات التفاوض الافضل لو استخدمنا معاها نموذج من الاسئلة من ضمن الخطة بتاعت المقابلة يعني المقابةه مع منو  والهدف منها شنو و انا عايزه اطلع منها بي  شنو ايضا مكان المقابلة و الزمن بتاع المقابلة و الشخصية اللي انا ح قابلها ودا عشان اعرف مفاتيح الشخصية و الطريقة بتاعت الاسئلة وهنا من مفاتيح اقصد الخبرات بتاعت الشخصية اللي  ح تجرى معاي المقابلة لازم اكون عارف او عارفة  المطلوب شنو منها وكمان لازم نجمع معلومات كافية عن مكان العمل اذا كانت مقابلت عمل وعشان أوصل  لي النتيجة  المطلوبة لابد من مهارات التواصل الفعال و التواصل الفعال لابد اكون بعرف فيه ابجديات لغة الجسد لانه ما كل الحاجات تقال باللسان و ليست كل الافعال نعبر عنها بالكلمات

و التفاوض بيكون مهارات اساسية في المقابلات هو مهارة عندها استراتيجيات محدده من ضمنها تعرف احداثيات المكان  يعني  حدد المكان المناسب عشان تجلس فيه شمال او يمين الشخص الحيجري معاك المقابلة ودا بفرق  تكون مقابل للباب عشان تحس بالراحة الناس اللي داخله و اللي خارجه انت تكون شايفه فما يتسبب ليك المساله دي ازعاج نرجع نقول شيئين اساسيين مهمة في اجراء المقابلة او التفاوض و هي مهارة التواصل من ضمنها معرفتك او درايتك بلغة الجسد كمان امتلاك لادوات التواصل الفعال  مهارات التفاوض دي دورة قائمة بذاتها الاساس فيها انه القصة ما مساومة يعني التفاوض مبني على التنازلات وكلمة تنازلات دي مخزونه عندنا  معرفيا انها ضعف وهنا عايزه اوضح انه كلمه تنازلات دي بريئة من قصة الضعف دي تماما عشان نص الاتفاق مع اي شخص لابد يكون عندنا استعداد تقديم تنازلات عشان نقدر نصل لي منطقة  مشتركة يتحقق من خلاله الاتفاق او التفاهم التفاوض حسب المهم اللي انت فيها التفاوض على السعر التفاوض على مساله شخصية تختلف المسالة لو اذا كان التفاوض علي مساله مؤسسه او مساله شخصيه او على مستوى الدوله و هكذا

 وداء برنامج تدريبي قائم بذاته استراتيجيات التفاوض و مفهوم و كيف نصل بديل متوفر يجمعنا نحن الاثنين الاساس في الموضوع ده كله أن ال مكسب لي و للشخص اللي انا بتفاوض  معه يعني هو يكسب و انا اكسب ودا  في حاله العلاقة بيناتنا ح تستمر غير ذلك هيبقى اسمها مساومة في التفاوض نحن دائما عايزين نصل لمنطقة مشتركة فيها مكسب لي  و لشخص الاخر مهارات التفاوض مهمه جدا في الحياه بتستخدم  في حاله زيادة المرتب مقابلات الوظيفة الترقيات اداره المشاريع و كثير من الاشياء اليومية الموجوده في حياتنا يمكن يكون يومنا كله نحن في حالة التفاوض حتى على ابسط الاشياء اللي بتمر بينا يبقى مهارات التفاوض هي مهارة اساسية زي ما قلت هي دوره قائم بذاته هنا انا باكد علي اهميتة وان فيه مكسب لكل الاطراف

🔘اجتماعات العمل واسرارها والطريقة المهنية للعرض والطرح والتحاور ؟

سؤال جميل اغلب وقتنا في العمل ضايع في اجتماعات ودا بيضيع الوقت و المجهود المطلوب الى العمل من اهم الاسباب عدم وجود اجندة و اهم بند وهو دا  فخ الاجتماعات الاسمو (اخرى)) ده  باب مفتوح   ممكن يتقال فيه  اي حاجه ما عندها علاقه بموضوع الاجتماع الاساسي ودي بخلي الاجتماع يتمدد ونشغل كل الوقت ونهدر وقت الانجاز و العمل الاجتماعات الفعاله فيها اعداد اجندا   واضحه بعد ما ترسل الاجندة لكل الاطراف و الدعوات للاشخاص المعنيين بالاجتماع لا ابدا كل الاشخاص يكون عندها دعوه بالموضوع اللي اجري عشان الاجتماع و لابد من توضيح بدايه و نهايه زمن الاجتماع و في كل الاحوال حتى لو لم يتم تخطيط جميع الموضوعات لابد من نهايه الاجتماع في الزمن المحدد مدير الاجتماع بيلعب دور مهم وفعال جدا في نجاح الاجتماع و بعد الاجتماع يكون في محضر الاجتماع وفي شخص مسؤول من كتابة الملاحظات وارساله للاشخاص المعنيين بموضوع الاجتماع وداع للمتابعة... و اذا كان عندك اي اسئلة او توضيح اثناء الاجتماع لابد من تدوين هذه الاشياء قبل الاجتماع..توزيع الفرص و سماع رايك كل الحضور مهم جدا ودا  مهم جدا  عشان  كل  الناس تاخذ فرصة لسماع اراءه ..

في الاجتماعات الدورية بيكون الشخص جاهز لكن الاجتماعات الطارئة هي اللي بتشكل مشكلة حقيقية لانه ما بيكون فيها تحضير وبالتالي بيهدر كثير من الوقت ... العرض و الطرح و التحاور يحتاج مهارات التواصل و اتصال فعال ...

نقطه اخرى بعض الاحيان يتحدث كذا شخص في نفس الوقت دا واحد من السلوك  البخلي الاجتماعات غير فعاله فلابد من احترام كل الحضور الموجود و الاستماع لها و الاستماع الى كل شخص  وايضا التحدث بالدور..  تكرار الافكار او النقاط في الاجتماع  بيهدر كثير من الوقت يكفي ان نقول انا اثني على كلام فلان الا اذا كان لديك اضافه اخرى الابتعاد عن الاراء الشخصية البعيده عن الموضوعات المهنية لذلك لابد ان يكون لديك الادلة و المستندات دراسة بحث فواتير  تسند لافكارك او  لي وجهه نظرك

🔘  الخريطة الذهنية  والاستفادة من تقنية البرمجة اللغوية العصبية؟

البرمجة اللغوية العصبية زي ما ذكرت هي من اولى الدورات انا اخذتها و غيرت مسار حياتي و تفكيري وغيرت رؤيتي للمستقبل كانت دوره فاصلة جدا في حياتي خلتني اتلمس الزوايا القاعدين فيها الاشخاص الحولي هي دوره تعلم كيف تتواصل مع ذاتك في المقام الاول ومع الاخرين ايضا و كيف تحدد اهدافك و كيف تبني الثقه بنفسك و كيف تقاوم الخوف و التردد و كيف تعبر عن رايك بصراحة

 و شجاعة التحدث امام الاخرين دوره حقيقة مفيدة جدا .....  و كل الاشياء دي بتتعلم فقط في الدبلوم.. البرمجة اللغوية العصبية اربعة مستويات تبداء من مستوى الدبلوم و مستوى مساعد ممارس و مستوى ممارس و مستوى ممارس متقدم....انا واصلت لحد المستوى الثالث و في نهايه المستويات أنت ب تكون عندك القدرة على معالجة مشكلاتك الشخصية بتقنيات محدده بتتعلم و كيف تعالج مشكلات الاخرين سواء كان زملائك في العمل و التعامل مع مرؤوسيك او مع الاسرة فيها الانظمة التمثيلية و البرامج العقليه العليا اللي مسؤولة عن ترتيب المعلومات واستخدامها في الدماغ ..

هي  حقيقي دوره مفيدة و مهمة جدا وفيها ابجديات عن التواصل الفعال  نتعلم من خلالها قبول الراي الاخر نتعرف على التعند في الراي سببو شنو .. و نتعلم من خلالها ايضا انه اي شيء إتعمل في الدنيا نحن ايضا ممكن نعمله...

 شرط انه  نحب جدا ان نعمل الحاجة دي  وايضا عن طريق امتلاكك للادوات و الطريقه لفعل هذا الشيء ... فيها ايضا فرضيات وهي عباره عن قواعد نحن بنعتمدا عشان نعرف نتعامل و نتواصل مع الاشخاص الاخرين بشكل عام اهمها المرونه و قبول الراي الاخر واهم هذه الفرضيات انه

 (الخريطة ليست هي الواقع ) بمعني ان ما اعتقدو  انا عن هذا الشخص ليس بالحقيقه دا فهمي انا البسيط لهذا الشخص ....

وليه نحن ما بنمتلك كل حقائق الامور   لاننا نمتلك حواس محدوده   وفيها  فروقات فرديه  وهي دي مداخل  المعرفة  المعرفة المتحصله من الحواس الخمسه لا تعني كل الحقيقه و من هنا دي دعوه للمرونه وتقبل الراي الاخر والبحث ودا  بشابيه  للمثل الانجليزي اللي بيقول( put yourself in har shoes )  اي   ( ضع نفسك مكان الاخر عشان تفهم و هو بيقول كده ليه)... حقيقة بدعو كل شخص ماعندو فكرة عن  دورة البرمجة اللغوية العصبية أنه يتعرف عليها عن قرب .....

الخرائط الذهنية هي وسيلة ابداعية لتخليص المعلومات وبتسهل استرجاعها لانو طريقة كتابتها فيها تشبيك المعلومات ممكن نستخدم فيها الألوان وممكن رسومات او حتي كلمات مفتاحية تلخص بيها موضوع معين .. يعني ممكن  انا اقراء كتاب كامل  100 صفحة مثلا وارجع الخصو  في ورقة صغيرة عن طريق خريطة ذهنية وبي نظرة واحدة اقدر استتدعي كل المعلومات في الروابط اللي عملتها في الخريطة الذهنية... من الطرق المبدعة جدا لكسب الوقت واقدر استرجع عن طريقة المعلومات

ودي من تقنيات الاسترجاع والتعلم السريع وهي طريقة مبدعة جدا حقيقة ....

(توني بوزان ) هو مبتكر الخرائط الذهنية بنصحكم تبحثو  في الانترنت وهو مدرب عالمي شهير ...

  🔘كيفية ضبط الموجة المهارية  مع تدعيم ملكاتنا  القيادية ؟

الملكات القيادية هي موهبة فطرية مخلوقة في الانسان ، وأغلب النظريات تقول هل القائد يولد قائدا او يتم تعليمه لها ، وهناك صفات تجعل ان مهنة القيادة صعبة المنال ، ولان القيادة هي سلوك فلذلك هي تودي للنتائج الجيدة والمرجوة من الجماعة ، ومن صفات القائد التي تجعل الجماعة راضية متفاهمة هي رؤية واسعة مرونه عالية شجاعة مبادرة ، ومهارات القيادة يمكن تعلمها وكذلك اسس الاتصال الفعال والالمام بلغة الجسد والالمام بدوافع الاشخاص ، ولكن مهارات القيادة مهارات اساسية مثل مهارة التواصل الفعال ومفاهيم الادارة وتعلم التعامل مع انماط الشخصيات ومهارة حل المشكلات  واتخاذ القرارات وادارة الحشود والالمام بدوافع السلوك الانساني والاحتياجات الانسانية وتحريفها والتعامل معها .🔘وفق  ما قدمتي  دكتورة إنتصار كمال  من ورش ودورات ما ينقصنا كإعلاميين وما يحتاجه الاعلام ليكون مبادر وفعال؟

ما ينقصنا كاعلامين ما يحتاج أعلام يكون مبادئ فعال السؤال في الصميم الإعلامي بيدخل اي بيت في أي ساعه اختارا اذا كان برنامج عن طريق الاذاعه ولا عن طريق التلفزيون ولا حتي بيكتب في صحيفه أن بتصل يعني معظم الجمهور كانو بتداولو الصحف وصلتهم اذا ناس الاذاعه  انت وصلتهم وناس التلفزيون وصل كل زول القناة الآن بسمعك يعني مسئول جدا جدا انك تكون قادرة انك الحواجز وتصل قلب البيوت وقلب المساكن وقلب العمل مؤسسات الدوله حتي المجتمع يعني الناس الماشه في الشارع أفراد مسئولية النحن بنحتاجو اول حاجه نحن نحتاج نعمل دراسة وافية وشافية لمجتماعتنا سوي كان مجتماعات مهنية أو المجتمع السكان القعدين في أرض السودان دي أو حتي العالم نشتغل وإذاعات ترددات التصل برا  السودان الجولة النحن قاعدين نبستهدفو بي برامجنا دا محتاج لشنو بالضبط حوجتو الحقيقيه شنو بالضبط ومشكلتو وين نحن نحلها ونحلها كيف تاني نرجع نقول العصر الذهني نحقق التأثير الإبداعي لانو نشتكشف الدراسه زي دراسات بحوث السوق بتاع جمهورنا أفكار كان بنبيع المعتقدات لتحريك المجتمع الناس ديل منو نحن موجه ليهم البرنامج أو موجه ليهم يأتو أسلوب بينفع البنوصل الكلام هل الكلام البنقول فيهو دا مهم بالنسبه ليهم عشان كدا ح يقعدو يسعمو يقلبو صفحة الجريدة وح يخلو القناة قاعده في محلها ويسمعو ويشوفو باقي البرنامج هل نحن بنمتلك بتاعت الاستكشاف الحوجه الحقيقية لجمهورنا النحن البنخاطبو الأنا شايفاهو حقيقة انو نحن قاعدين نقلد بعض كان الاذاعه ولا التلفزيون حتي الصحف حتي الموضوع في منشور الصفحه بنفس الصيغة حتي مافي بتاعت مثلا صحيفه نعمل أخبار عندها طريقه يعني في الكتابة لكن انا بتكلم عن أداء انت ح تستخدما تخلي هذا الخبر ما مجرد خبر يعني تربطو بي أحداث الفرد تربطو بي اهتماماتو الأحداث الدايرة حول تربطو بي اهتماماتو  انا لو الحاجه دي ما عندي فيه مصلحه ما فيها فايدة لي ما بقيف فيها انا مواطن المسكين البسيط دا يعني القصة دا لو بتمس حاجه مهمه عندي قيمة مهمه عندي انا بستني وبقيف وبسمع وبشوف وبقرا  يبقي الخطوة الأولى نستكشف حوجه المجتمع النحن قاعدين نخاطبو دا كلو علي اختلاف انواعو أنواع المجتمعات يعني الناس الأفراد الفيها هما محتاجين يأتو مواضيع عشان نحن نتكلم فيهامحتاجين نلقي الضوء علي محتاجين نسير علي يأتو أسئله عايزين نسمع مننا يأتو إفادات في يأتو مجال عشان دا المجال الهما ناقصم نتمو نحن أو بمشاركتم بنتم في البرامج المباشره الفيها التلفونات الفيها مشاركات من المستمعين بتقدر تعرف الزول دا اهتمام كان وين حتي لو الموضوع كان مثلا عن الدراسه تخصص الجامعي ممكن يجيك زول يتكلم ليك عن وجعو عن الشهادة السودانية والمقررات والمعارف شنو يعني حتي شايف بعيد لكن انت بتكون عارف كدا عرفت هم المواطن القعد يسمعك دا شنو موضوعك دا موضوع انا الان ما قادر اتجاوب الشهادة السودانية عشان امشي اختار تخصصي الجامعي كم مكالمه كدا خلاص بنفس النوع ح توريك أشاره لانو في الاهتمام مقصود في الحته دي أبعد من اختيار التخصص الجامعي لا اختار كيف امشي أدبي ولا علمي واقرأ يأتو مقررات واقرها ب ياتو طريقه اعمل شنو عشان أنجح واحقق أهدافي دا ضرب مثل يعني انا اشتغلت برامج مباشرة مع الجمهور وكنت بكون حريصه يعني ادون كل حاجه بتجي كل مكالمه بتجي كل مشاركه بتجي بعمل إحصائية في الآخر بشوف الطريقه الأنا قدمت بيها البرنامج وصلت الفكرة الأنا عايزاها الجمهور الأنا مستهدفاهو تم استخطابو من خلال البرامج أو الحدث دي ولا لا وبعد داك برجع براجع حتي الأسلوب والكلمات والمفردات انا استخدمتها الما وصلت فكرتي هنا افتح قوس وأقول اذا ما فهموك الناس انت بتتكلم معاهم دي ما مشكلتم دي مشكلتك انت لانو انت ما عرفت تختار الأسلوب واللغه والتون بتاع الصوت البتوصل فكرتك هما ما مسئولين من رد الفعل دا بقدر مسئوليتك انت ف دي برضها حكاية دايرة وقفه تماما يعني بتسال هنا يعني قاعدين نعمل إحصاء المداخلات مثلا بتاعت البرامج المباشرة وعدد المشاهدات انا عارفه انو في إحصاء شاهدهو كم سمعوهو كم وكدا لكن هل المداخلات الأثر التركتو ألقي بنتابع المسألة دي علي مواقع التواصل الاجتماعي علي الصحف علي المدخلات البتجينا الرسايل من الناس القريبين علي المكالمات الجات بنتابع المسألة دي وبنحلل المداخلات دي البتعرف نجاحنا في توصيل الفكرة أو المعلومه أو نحاج الحلقه البرنامج في حاجه مهمه عشان البرامج يتطور في سلسلة الحلقات فمثلا مسمي بتاع برامج متنوع وهكذا دا حاجه مهمه جدا عشان نطور نحن ونطور كمان الحاجه البنقدما لقدام

كمان بتنقصنا المهارات خليني اكون صريحة معاكم في بعض الإعلاميين   المذيعين بالتحديد يلجأ الى استخدام  كلمات مترادفة وممكن انت تسمع عشرة كلمات  عشان تفتش جملة مفيدة ما تلقاها  الكلام يبدو من الخارج  شكله ملمع كدا والكلمات لطيفة لكن بدون معنى بدون محتوى هل نحن بنقدم القشرة دي نحن عايزين نقدم المحتوى حتى ولو كان بكلمات بسيطة ..في ألفاظ بقت دارجة يستخدمها كل المذيعيين  بستخدموها بنفس الطريقة بنفس التراتب مع كل الضيوف في كل المواضيع حقيقة حاجة مزعجة جدا جدا .. اءا بنتكلم البرامج التلفزيونية بتنقصنا الكثير جدا اهم حاجة بتنقصنا لغة الجسد  الإشارات البنصدرا  بنعاين كيف طريقة القعدة  بنتكلم مع الضيف كيف  بندير الحوار كيفة بنقاطعو كيف بنسترسل متينو انا شفت مذيعيين  الحلقة من ما تبدأ وحتى  نهايتها بكون٩٥٪ من الكلام بقوله المذيع ..  بشوف المذيعين طيب الضيف دا جاي   يقول شنو  يعني ...في برنامج بنقلد فيها البرامج  في المحطات الفضائية مثلا زي برنامج الاتجاه المعاكس البرامج التي يبدو في ظاهرها  فيها هجوم حاد على الضيف  دا بإعتبار المحطة وثقافتها والضيف والبيئة الجاي منها وثقافته .. اذا شلنا النموذج دا  وحابين نطبقوا على برنامج في محطات السودان  حنواجه مشكلة كبيرة جدا  لأن الشخصية السودانية اول ما تبادر بالهجوم بتتحول الى شخصية عدائية  وكل الفهم خلاص  بطير  بالتالي الحلقة بتكون فقيرة  وبتحول الضيف الى مرحلة الدفاع عن النفس طوالي نستفذ فيه الشعور بالهجوم   ويبدأ يدافع عن نفسه  وعن موقفه وتنغلق كل الافكار ومشاعر الانفعال ترتفع بالتاليتختفي النتائج الجيدة والأفكار الإبداعية والكلام عن التجارب عن النتائج جيدة حتي لوكان بتكلم عن التاريخ فنحن جيدين جدا في محاسبة تاريخهم محاكتو المفروض نحن نتعظ منو ونعتبر منو ونتعلم ونستفيد منو كيف الآن وبكرة فيعني الملاحظات كتيرة في مجالنا في مجال الإعلام عن أداء بعض المذيعين التنسيق مرات غايب بين المنسيقين أقصد بين المرحلة المذيع المذيع يجي قبل ربع ساعه من البرنامج الزول العدا البرنامج اصلا المخرج شغال براهو ونبقي كل زول فينا رأي في اتجاه تطلع حاجه كدا قريبة جدا جدا لدرجه انو لفي كلام مكتوبة علي الورق يكون اخد فرصه كاملة انو يقري الكلام المكتوب دا عشان ما يكون في كلمة ما قادر يقرأها مفهموم ماقادر عليه مافي فرق عمل هنا المعد يعد بطريقتو والمخرج يخرج بي طريقتو والمذيع بجي في وقتو مافي فريق عمل يعني بمعني فريق عمل يعني في عمل منسق في تناقم أو انسجام بين كل الأطراف يطلع الحلقه جميلة جدا يعني كانت برامج من حلقه واحدة أو برنامج مسلسل يعني كمان التكرار بتاع المواضيع كل مرة من زوايا أو نستضيف نفس الزول انو نطرح نفس المواضيع بعد شوية تدور تاني يعني في حقيقة في فقر في الإبداع في المواضيع البنطرقا الهي قبيل علي بحث جيد من السوق النحن شغالين فيهو الأسمو بني آدم القاعد في السودان دا يعني همومو شنو ما معناتو مشكلات العيش والمطرة والكلام دا في هموم تانيه نحن ما قاعدين نلمسا بتساءل اذا في بعض الناس مثلا عن البرامج البحب مستمع أو المشاهد انو يسمعا أو يشوفا من خلال المحطات النحن شغالين فيها هل تم استبيان زي دي عشان نعرف نوجه جهودنا وين ولا لا الكلام ذو شجون في الموضوع دا

  بمناسبة عدم التنسيق بين المعد والمخرج والمذيع والضيف عندي طرفة لذيذة جداً كنت ضيفة على برنامج في تلفزيون السودان والمعدة استاذة جليلة يعني نسقنا مع بعض المحاور بتاعت البرنامج وكدا حسب الزمن المتاح والظاهر هي كتبت الكلام دا على ورقة يعني وانا كنت بونسة في الحتة دي حاقول كدا في الحتة دي حاعمل كدا فهي قامت كتبت الكلام الانا قلته كله في الورقة وشالت الورقة وادته لي المقدم بتاع البرنامج فهههههه البرنامج بدا لقيت مقدم البرنامج بقول الكلام المفروض اقولو انا فيعني اتختيت في وضع الحمدلله هههههه حاجة لا تنسى من المواقف اللي مابتتنسى ابداً فالزول كمان كان بنمق الكلام المفروض اقولو بقولو هو ومستنيني انا ارد المرة الاولى اصبت بالدهشة طبعاً لكن بعد داك فهمت من المرة الثانية انو دا كلامي ودي لغتي ودي المفردات اللي انا قلتها فعرفت التريك حصل وين يعني فشغلنا الخطط البديلة الحمدلله الحلقة طلعت جميلة لكن مطب لا ينسى يعني اساسو عدم التنسيق تماماً عدم التنسيق بين الاطراف المكونة الحلقة يعني او الفريق البطلع نكهة الحلقة كلها ونتائجها المرجؤة يعني دا بس تجربة من الواقع يعني لعدم التنسيق بين الاطراف كلها.

🔘ما بين إحتياجات الاسرة والعمل والتوافق المشترك وخلق التناسق لذلك .. ومنهجك في تحقيق الطريقة المثلى؟

والله ياخي اعترف واقول انها فيها بعض الضغط خصوصاً انا من الناس اللي مابستعينو بي ناس من برا يعني ماعندي بت  بتشتغل بتساعدني بشكل دائم وكدا لا يعني ما عندي من سنين طويلة جداً جداً فالقصة دي بتجي خصماً علي راحتي انا فا اتعودت  من سنوات طويلة جداً انو نومي يكون مابين 4-5ساعات بالكتير لمن اكون ماف حاجة بكون 5ساعات ممكن يكون 4ممكن يكون 3 ساعات واتكيف بدني على كدا لو نمت اكتر من كدا بتعب فبصحى براي بدون منبهات بدون اي حاجة غالباً شغل البيت بعملو بعد مالناس كلها تنوم انا هههههه اعمل فيها ذاتي نمته فكلنا نمنا فبنوم ساعة تقريباً او ساعتين وبقوم بعد داك اعمل اعد شغلي اعمل تبيخ البيت اغسل مرات اجهز حاجات الغيار بكرا العيال المدارس ابوهم حاجاتي انا كدا فتعودت على الحكاية دي يعني في الاول كانت مرهقة شوية بعد داك كانت خلاص اتعودت على كدا اول مابديت استغنى عن زول اساعدني في البيت اتفقنا انو ماف زول يساعدني من برا عشان نحن كنا ساكنين في شقة صغيرة ووجود زول دائم معانا في البيت كان مشكلة حقيقية يعني وجود ليه مكان وكدا وانتبهت ليها لما اخر بنت كانت شغالة معاي بتساعدني مشت حصل فرح جماعي كدا يعني في البيت يعني الناس كلها كانت فرحانه انو احنا كنا معصورين ومتضاقين وبنلبس بحساب وبنعمل الحاجات بحساب وكدا حقيقي حسيت بالذنب يعني انو انا جبت زول يساعدني على حساب راحتم فقررت من ساعته انو خلاص يعني الكلام دا ليه تقريباً 6سنة او 7 سنة تقريباً انو انا ماف زول اجيبه من برا يساعدني في البيت بشكل دائم لكن مطلوب منكم انتو كمان شوية يعني ماتساعدوني بس ارفعوا مني شوية من الحاجات اللي بتعملوا اي زول شال حاجة من مكانه يرجعه احسن قمنا من السرير ممكن نشد الملايات مانرمي يعني المخلفات في اي حتة ختها في مكانه المخصص وكدا فاتفقنا على الحاجات دي والحمدلله. والحمدلله ربنا حباني بي اسرة لطيفة يعني من الاب لحدي اصغر الابناء بساعدوني او بحبو المساعدة يعني فابعملوا اي حاجة ممكن يعملوا اي حاجة في البيت ماف مشكلة عندي ولد تباخ جداً رهيب ابونا كمان بعمل يعني شغل نضيف في المطبخ هههههه اخوي برضو الله يديه العافية من محبي المطبخ البنات كل واحدة عندها تخصصه في واحدة شغالة بتخفف علي بس يعني تمدني بي طاقة ايجابية وحب كدا كبير دي اصغر واحدة طبعاً لسة مابتعرف تعمل حاجات فالحمدلله الاسرة متفهمة وبنساعد بعض شغالين كفريق برضو كل زول عنده مجاله فبنساعد بعض كويس جداً وعارفين كل زول ببدع في شنو وممكن يعمله في زمن قياسي وبأقل جهد وبكون مبسوط فاوكلنا لكل زول المهمة البحبها يعني فالحمدلله الحياة ماشة يعني امكن في الاول طبيعة شغلي ما كانت معروفة ومفهومة

اول مادخلت مجال التدريب كان مجال التدريب لسه ما مفهوم وما معروف بالنسبة للعامة يعني امكن كان بداء قبلي مستوى المراكز الخاصة والنهضة الشافينها انا امكن  اربعة سنين بس قبل انا ابداء. طبعاً التدريب في السودان قديم يعني اول مركز تدريب في السودان مكتب تطوير الادارة هو مركز حكومي اتأسس 1961 بدري شديد يعني لكن انا بتكلم عن المراكز الخاصة وانتشاره وانتشار المدربين السودانيين والبرامج التدريبية والفهم بتاع التدريب دا يعني لحدي ما اتكونت الوزارة بعد داك يعني.  في الاول لمن دخلت المجال دا طبعاً كان مجال بتصرف عليه فقط وماف قروش وماف حاجة داخلة يعني بخش دورات تدريبية وبدفع عليها قروش كتيرة جداً وماف قروش جاية داخلة فاول هجوم هه واجهته من الوالدة ربنا يديها الصحة والعافية فاانتي مجدعة اولادك في شنو وانتي بتجري في شنو حاجة بتصرفي عليها ومابتدخل ليك قروش ودا حدو متين ويعني كلام من النوع دا يعني فلكن الحمدلله نعمة من ربنا ما منعتني بالمناسبة انا ما قالت لي لا ما تعملي الحاجة الفلانية لاني كنت حأسمع كلامه يعني. زوجي برضو كان يوديني ويجيبني وكدا لكن برضو طول الوقت ما كان مؤمن بأنو المسألة دي فيها فائدة او في يوم من الأيام حاتكون حاجة مفيدة او ممكن يكون عندها اثر يعني ذي الناس الهسي بتهاجم برامج التنمية البشرية وكدا فكان بقول لي بشاغلني يعني وبغيظني جداً بقول لي دا وهم انتي تابعة الاوهام دي اوهام لمن اجي اقول ليه ياخ الموضوع دا ما بخليني اكمل كلامي بقول لي ياخ دا اوهام فاانا قعدت سنتين بالتمام والكمال في الوضع دا مابين الاوهام ومابين انتي جارية وبتضيعي قروشك في الفاضي سنتين صامدة صمود يعني صمود الجبال يعني عانيت كتير جداً حتى القعاد في القاعات والامتحانات والدورات ماكانت حاجة ساهلة لي زول كان منعم وشغال في مكتب واموره كلها ما شه مية مية يعني لي طالب ترجع تقرا وتبحث وتصمم وتمشي وتحدد اهداف كل يوم اتعلم حاجة جديدة كل يوم اكتشف انو في حاجة ناقصاني امشي اسكها اشوفه وين احصل عليها ساعات طويلة قدام اللابتوب يعني كانت مرحلة قاسية واذكر وقت ما كان عندي لابتوب اساساً يعني كنت امشي محلات الانترنت في الشهداء اقعد لحدي الساعة تسعة تسعة ونص عشان ارجع البيت حكاية يعني انا ساكنة في في امدرمان في الواحة فا اركب مواصلات في الليل داك وامشي كنت بحب امشي برجليني كتير فنص المشوار المشوار ممكن اكون مشيته كداري عشان يعني بس ارتب افكاري واكون دائرة اصل لقرارات محددة قبل مااصل للبيت هجوم العيال والقصة دي يعني ما تطير مني باقي الافكار فاتعرضت لي مضايقات في الشارع كتيرة يعني مضايقات كتيرة يعني مثلاً يوم في حفلة قاعدة في الحلة فااطلع منها سكارى مثلاً يقومو يربطو ليك الشارع عديل يعني انتي ماشه وين وجاية من يعني حاجات غريبة اذكر برضو من الطرائف في الوقت داك انا جايه مرهقة جداً وراكبة ركشة من زلط الوادي داخلة على بيتنا فنمت يعني المسافة دي مابتاخد ليها سبعة دقائق فصحيت بي حاجة صوته عالي تر كدا جايه ماشه بوشي فاتخلعت دا شنو دا فاكتشفت انو طرحتي طارت من الركشة وانا نائمة هههههه فالحمدلله كانت في واحدة تحته فيعني قصص كتيرة مغامرات ومواقف هههههه طريفة وصعبة في نفس الوقت لحد ماوصلت الوقت البقيت عندي فيه دوارتي وبقدر اقدمه واتخلق الاسم واترسم الطريق والخريطة بقت واضحة وكدا كانت معاناة يعني ماكانت حاجة ساهلة الطريف في الموضوع بعد داك بعد ما خلاص بقت عندي دوراتي وبقى عندي اسمي وبقى في تلفزيون وإذاعة وحاجات ذي دي فاجاء وقت الانتقام فبقول لي امي شفتي يا ماما انتي صبرتي معاي شفتي الكلام دا عرفتي كيف انا كنت على حق يعني فالحمدلله يعني الوظيفة اللي انتي كنتي زعلانه عليها الليلة دورة واحدة ممكن تكون بمرتب الوظيفة اما ابو العيال فيعني كل ما يقول لي انا فخور بيك في الحاجة الفلانية مثلاً والله يعلق على حاجة او برنامج او على كدا او حضر معاي شيء فكنت بقول ليه قلت لي كيف الوهم ههههههههه فصرت الحمدلله عشان كدا هم متفهمين وعارفين الطريق الانا رسمته من قبل زمن هم ما كانوا شايفنو انا كنت شايفاه كويس فدي نجاحي بعد داك الحمدلله خلاهم تكون عندهم ثقة فيني وفي تقديري للامور فبقو داعمين كلهم بالنسبة لي ربنا يديها العافية الوالدة هي البتراعي العيال وانا في الشغل يعني اذا كان مسائي وزوجنا بعلنا العزيز ربنا يديه الصحة والعافية زول متفهم ومساعد جداً وداعم جداً في المسيرة بتاعت التدريب دي يعني الحمدلله على كل حال اتخيل لي ذاتي بعد ما انا اتدربت وبقيت خبيرة في ادارة العلاقات هههههه قدتهم وادرتهم بكفاءة عالية يعني فالحمدلله انا شاكرة ليكم كتير جداً المساحة اللي انتو اديتوني ليها الليلة سعيدة بأنو فضفضت واتكلمت معاكم وحأبدا ارد على المداخلات والاسئلة ان شاءالله واحد واحد بأذن الله تعالى مبسوطه اني كنت معاكم الليلة ذي ما قلت ليكم اني بحب اكون وسط الناس ورغم اني انا شايفاكم من خلال الكلمات بس والاسماء معظمه بعرفه ومعظمه ما بعرفه فمرحب بيكم وحبابكم ازدادت اسرتي الكبيرة بيكم وتحياتي ليكم فرداً فرداً انا ما نسيت السؤال الاخير لكن ماعايزه افضى ما عايزه افرق الشحنات بتاعت الشغف والحماس في انو انجز حاجة جديدة بفكر فيها فحاخليها مفاجأة يعني شكراً كتير ليكم وسعدت جداً بالتواصل معاكم حأبدا ارد على الاسئلة ان شاءالله

  محمد عليش

طيب يا استاذة عندي استفسار.

من اين تأتي الافكار؟؟ اذا وقفنا في كلامك الاخير ان الابداع يجب التفكير له بطرق مختلفة لايجاد نتائج مختلفة ابتعادا عن التقليد .. وايضا في مستهل الحديث ذكرتي ان الفرد يجب ان يركز في معرفته وقراءته علي حسب مجاله كما فعلتي انتي تحديدا واصبحتي لاتتناولي الكتب او الاضطلاع من كل جهات..بل تحديد وجهة اكتسابك للمعرفة من باب التخصص..

كيف يكتسب عقلنا المعرفة ليستخدمها عند الضرورة؟ وكيف تحدث عملية الابتكار الابداعي من دون الرجوع للذاكرة المعرفية المكتسبة؟ هل الخبرات لها دور في تحديد مسارك الابداعي او الوظيفي التخصصي؟

  انتصار كمال

فالفكرة هي انتاج  للعقل ... هو الأداة التي تنتج الافكار

 .. حسب ما مررت به من خبرات ( سواء بصرية أو سمعية أو غيرها  من الخبرات المعرفية المخزنة في العقل الباطن عن طريق كل الحواس الخمسة)

ستخرج الأفكار  من هذا المستودع حيث يقوم العقل بعمليات التشبيك و الربط بين هذه الخبرات

لذا راقب ماتدخله على عقلك من خبرات إذا أردت الخروج بأفكار رائعة .. فمثلا إذا أردت ان تصميم تصاميم رائعة و جذابة فعليك ان تغذي بصرك بتصاميم رائعة و جذابة فمن هنا تأتي الخبرة البصرية للعقل . موضوع الأفكار متشعب أرجو أن اكون أوصلت الفكرة التي ستبدأ أنت البحث منها على الأقل في البداية التهمت كل ما يقع في طريقي حتى توسعت مداركي و حددت اتجاهي فملت الى التخصصية ... لا يوجد هذا الفصل الحاد بين العلوم بل هي في تشابك معرفي

  ميرغني عبد الله

كم هذا الابداع والسيرة العطرة فى بحر الإعلام.

سؤال .؟ لماذا الاعلامى السودانى محصور   فى إطار محدود ولا يجد نفسه متطور فى مجال المهنة .

 عبدالباسط جمعابي داؤد

من خلال تجربتك التدريبية والعملية ومسئلة الموهبة الاعلامية هل مجالات الاعلام المختلفة من كتابة الخبر والمقال والتقرير والتحقيق والانتاج والاخراج و الاعداد والتقديم الاذاعي التلفزيوني كلها لابدا ان تتوفر فيها الموهبة كشرط اساس ام هذه الاقسام كل واحد لها متطلباتها الخاصة بها ؟

✅ لماذا الساحة التدريبة في السودان خاصتا شبه خالي من دورات التدريب في مجال الدرامة ونحن ندرك انها من اهم المجالات التي لها ميزة معالجة القضايا في اسرع وقت ؟؟؟

✅ علي توافقني الراي ان كثرة التدریبات المختلفه للمتدرب المبتدئی لیس قرار مفید ومن افضل له الترکیز فی مجال واحد ؟

✅ انتی کمتدربة علی تلاحظی معظم المتدربین لیس من دارسی الاعلام وهذا یعنی نحن کسودانین نعانی من مشکله کیفیه اکتشاف الذات کیف یعاالج هذه المشکله التی تضیع الکثیر من وقتنا الثمین ؟؟؟

✅ ماهی توصیاتک لکل اعلامی مبتدئ ...؟؟.؟

محمد الحسني

دكتورة ماشاء الله عليك تجربتك العلمية والعملية حافلة بالمنجزات وفي كل المجالات سؤالي كيف استطعتي التوفيق بين حياتك العلمية والعملية وادارة البيت والشؤون الاسرية ؟ وهل في الاسرة من لديه طموحاتك واصرارك على النجاح ؟

    عبد الكريم عمر

دكتور تحية واحترام...

ادارة الموارد والتدريب ورفع القدرات والافكار والتخطيط والابداع يحتاج الي ضابط مؤسسي يكون الفرد فيها يدور مع المبادئ والقيم والاخلاق والقوانين ينكر ذاته ليخلق مجتمع خلاق يكون فيه قطبا منتجا... لكن في ظل غياب المؤسسات وانعدامها والمرجعيات والغائها والقوانين وقتلها ماهو الضابط للمبدع في اي مجال وكيف يبادر ومن هو الحاضن لافكاره ومن يحميه.... قياسا علي حالة الاحباط العامه..

  ايضا في ذات الاطار المهارات مكتسبة مع وجود الموهبه في حالة غياب الجيل السابق مع الهجرات او بعوامل الاقصاء وغيرها هل برامج رفع ااقدري تجدي عن التعلم التطبيقبي باشراف من سبقنا في المجال المعني

.

الصادق ابوعيدة

  سياحة من إبداع ..وروائع من إدهاش بحضرتك الدكتور  إنتصار كمال المدربة وقد طفتي بنا في عوالم شجية وحفية الألق ... كل الشكر لصبرك.. وسعة أفقك ... وبسطك المعرفة بطيب خاطر وود ... دمتي بخير ووفقك الله دوما وسرمدا

مهـرجان السودان للتقرير التلفـزيوني اللقاءات التفاكرية  والإستضافات الفنية- النسخة الخامسة